محترم حضرت حکیم صاحب السلام علیکم!ہمارے ہاں ایک آدمی کا کسی عورت سے رشتہ طے پایا لیکن قدرت الٰہی کہ اس عورت اور اس کی بہنوں کو چنبل کی بیماری تھی خارش بہت رہتی تھی اس نے اس عورت سے نکاح کرنے سے اس لیے انکار کردیا کہ اس سے جو بچے پیدا ہوں گے وہ بھی ایسے ہی مریض نکلیں گے۔ مجھے بھی یہ مریض کردے گی۔اس شخص نے کہیں اور شادی کرلی اور کچھ سالوں بعد میں نے دیکھا تو شہر کے بڑے ڈاکٹر کے پاس اپنی بیٹیوں کو لے کر آیا ہوا تھا۔میں نے اس سے پوچھا کیا ہوا ہے تو اس نے بتایا کہ میری دو بیٹیاں ہیں ان دونوں کو چنبل کی بیماری ہے۔مجھے فوراً ماضی کا وہ قصہ یاد آیا جب اس نے اس عورت کو اس کی بیماری کی وجہ سے نکاح کرنے سے انکار کردیا تھا۔ اب وہ ہر وقت بیٹیوں کو لے کر پریشان رہتا ہے ۔ یہی نہیں بلکہ دونوں میاں بیوی نے آگے بچے پیدا نہ کرنے کا ارادہ بھی کرلیا ہے کہ آنے والے بچوں کو بھی یہ بیماری نہ ہو۔اللہ تعالیٰ ہم سب کو حفظ امان میں رکھے۔  (سلیم اللہ سومرو، کنڈیارو)